PROSESU MAK SUSESU BA MORIS NIAN

 PROSESU MAK SUSESU BA MORIS NIAN

Hakerek na'in:Jose Soares

Nu'udar Estudante: FFCH-UNTL.

Prosesu mak hanesan be matan ba moris nian. Prosesu mak hanesan ponte ida ba susesu. Tanba bainhira ita hadomi prosesu mak ita hetan susesu. Hadomi prosesu liu hosi ita nian pasensia. Pasensia la’os sai ita nian frakeza ma’ibé pasensia mak sai ita nian domin atu hala’o prinsipiu ne’ebé ita mehi. Ma’ibé dalabarak ita hare’e prosesu ne’e hanesan foho ida ne’ebé ita labele hakat liu tanba ita lakon esperansa no lakon konfiansa bainhira ita viajen ba foho ne’e. Prosesu hanesan Ai-hun ida ne’ebé nia fuan barak. Bainhira ita hakarak han nia fuan tasak. Entaun hakarak ka lakohi ita tenki liuhosi prosesu ida atu bele ku’u nia fuan. Prosesu mak hanesan ita tenki sa’e ai-hun ne’e . Ma’ibé bainhira ita sa’e ai-hun ne’e, iha dalan ita sempre hetan dezafius barak mak foin hetan ai-fuan refere. Nune’e  mós prosesu ba moris nian, bainhira ita  hakarak sai ema ne’ebé di’ak entaun ita tenki  hadomi prosesu ne’e. Tanba liu hosi prosesu ne’e mak ita sei hetan susesu ba moris nian.

 Objektivu hosi prosesu nian  mak hanesan tenki estuda no treinu. Infelizmente hakarak fó hatene ita katak : hakarak sai ema ne’ebé susesu ka sai ema di’ak ba futuru. Dalan mak tenki hadomi prosesu.Tanba prosesu ne’e hanesan baze formal ida ne’ebé ema hotu tenki hasoru no infrenta antes atu hetan nia resultadu. Prosesu ne’e buat ida ne’ebé ema hotu hein atu hetan pontus pozitivu ma’ibé dalaruma  prosesu ne’e mós hatudu resultadu ne’ebé ema ladun satisfaz. Hosi prosesu ida ne’e  mak ita foin sukat ita nian pasiensia no oinsa mak ita bele hatene pasiensia atu ultrapasa dezafiu hotu ne’ebé ita infrenta,  prosesu hakarak ita uza ita nia kapasidade pesoál no oinsa mak bele hetan resultadu ne’ebé pozitivu ho hetan susesu ba moris. Tanba prosesu indika ba planu servisu ne’ebé estabelese husi grupu ka individu hodi bele responde ita nian mehi ba futuru oin mai, no liu-liu ba planu refere. Tanba planu ne’e sei akontese no la’o tuir nian koredor, hodi bele hatan ba objektivu ida ne’ebé ita hakarak.

Susesu mak hanesan rezultadu hosi prosesu ne’e signifika katak iha prosesu hamosu resultadu. Tanba liu hosi susesu ne’e mak bele lori ema ba haksolok ne’ebé ema hotu hein hela. Tanba susesu ne’e mak ema ida nian.  konserteza no sei la se’es-an hosi tempu no servisu maka’as. Bainhira ita uza tempu ne’e ho didi’ak maka loron ikus ita sei hetan rezultadu ne’ebé di’ak.

Prosesu mak tenki estuda no treinu beibeik. Ema filozofu  ida ho naran Georde MacDonald hateten katak,“ Learning is the proses by which an activity originates as changed through training procedures, ( Belajar adalah proses yang melahirkan atau mengubah suatu kegiatan melalui jalan latihan)’’. Ita refleksaun konaba Rai doben Timor-Leste, bainhira hetan indepedensia ka sai hosi koloniál  Portugal no invazaun Indonesia ne’ebé fó torturasaun do povu Timor. Atu dehan katak Timor-Leste hetan indepedensia la'os milagre ida  ma'ibe liu hosi prosesu ne'ebe mak kleur ka naruk. Razaun tanba durante ne’e liu hosi prosesu estuda,terinu ka pratika. Ida ne’e mak ohin loron hetan indepedensia. Prosesu estuda konaba hanoin no politika nst. Tuir matenek na’in ida ho naran Hannah Arendt dehan katak,” Berpikir berarti selalu berpikir tentang dunia. Dengan kata lain, berpikir selalu melibatkan orang lain dan dunia sekitar’’. Uluk bainhira povu Timor hetan kastigu, baku, eh oho nst. Lidér Timor sira hare’e no hanoin katak hahalok sira ne’e hasoru do povu timor ne’e ladi’ak. La’os Lidér Timor de’it mak hanoin ma’ibé Lidér iha nasaun hotu-hotu mós hanoin, Tantu mós povu tomak iha nasaun seluk hanoin hotu konaba situasaun iha timor. Liuhosi hanoin ne’e mak sira buka dalan ka estrategia atu hetan liberdade ka indepedensia. Prosesu estuda konaba politiku, pensamentu na’in ida ho naran  plato hateten katak,”politik adalah sesuatu yang luhur karena diarakah untuk mewujudkan bonum commune (kebaikan bersama)’’. Bainhira povu timor  hetan terus no susar. Lidér sira forma politika tanba prinsipiu hakarak povu timor hetan moris di’ak iha nasaun ida nia laran.

Konkluzaun katak se ohin ita kuda ai-horis ida mak aban ita sei ku’u nian fuan. Ida ne’e signifika katak se ohin ita esforsu-an hodi halo buat di’ak mak ita sei hetan susesu ba iha futuru. Ho liafuan seluk katak se ohin ita hadomi prosesu maka ita sei hetan susesu ba moris nian. Ma’ibé karik ita gasta ita nia tempu ba buat ne’ebé laiha valór mak ita sei lahetan buat ida iha loron ikus.