FILOZOFIA ETIKA

 FILOZOFIA ETIKA 

(Foto: Diskusaun Semanal)

Pelo: jose soares

Fakuldade: Filozofia

Semester: V

UNTL

Lia-fuan etika mai hosi lian gregu katak Ethos, nia  termu jerál signifika  katak  etika pertensia ba kostume  ne’ebé di'ak. Etika nu’udar costume superior no hanesan odamatan ba karakteristika. Etika foka liu ba valór  no asaun sira. Asaun ne’ebé mak umanu halo. Etika la hanesan ho moral tanba  sira nia lala’ok  diferensia. Moral prefere ba obidiense ba kostume no lia-fuan seluk katak morál nu’udar internál ba umanu nian  ma’ibé etika  determina ba externál ema nian. Iha filozofia klasika etika nu’udar teoria ne’ebé mak pratika ba moris no konviver. Ethos fahe ba parte rua mak hanesan; êthos katak karakter (ema idak-idak nia maneira ka hahalok, natureza, temperamentu) no éthos katak Kostume (buat ida ne’ebé mak ema halo bei-beik,toman,lisan). 

Filozofia etika mosu iha abad/ seculo 5, etika mai hosi lian gregu katak “Ethos”. Etika nu’udar ramu ida hosi filozofia ne’ebé mak estuda konaba ema nia  valór ne’ebé mak di’ak no  aat. Filozofia etika signifika katak estuda konaba saida mak di’ak no saida mak aat. Maneira saida mak bele tetu buat ne’ebé mak di’ak no aat. Se mak bele halo diferensia entre di’ak no aat. Oinsa mak hala’o moris ida ne’e ho di’ak. Filozofia Etika ligasaun ho Filosofia Moral ( Moral philosophy). Atu dehan katak Filozofia etika estuda konaba ema nia asaun ka karakter ne’ebé mak di’ak no aat. Ema nia asaun mak hanesan hahalok individuál  ne’ebé mak halo iha ema seluk nia oin ka iha publiku. 

Objektivu hosi filosofia Etika katak atu kuiñese umanidade nia “habito e costume”. Filozofia etika atu estuda konaba ema nia karakter hodi bele fó valór di’ak no aat. Hosi filozofia etika mak bele identifika no deskobre ema individuál  nia costume.

Se karik ita ko’alia konaba Filozofia Etika mak ita tenki hatene uluk  konaba filozofia etika “di dunia barat”. Bainhira ita estuda filozofia etika “di Dunia barat”, maka ita tenki fahe ba katégoria rua. Primeru filozofia etika di dunia barat kristiani no segundu filozofia etika di dunia barat sekuler”. 

Iha  “dunia barat sekuler”  nia sentidu katak bainhira  ema hala’o sekularizmu. Signifika katak siénsia mak dominante liu ba Biblia. Iha neba, komparasaun entre Relijiaun no non relijiaun, komparasaun entre siénsia no Biblia. Buat hirak ne’e akontese iha Abad ke 18 Masehi. Iha filozofu sekulér nian ho naran Nietzsche hateten katak, “ God is Dead” katak “Maromak mate tiha ona”. Signifika katak Jesus ho Ninia reprezentante mate hotu ona iha Igreja. Iha tempu neba, sira fiar katak Siénsia mak determina ba buat hotu. Tanba sira uza sira nia rasio, “ The Age of  Reason (Abad penalaran)  or The Age of Enlightenment” (Abad pencerahan) . Sira lafiar ba sistema igreja nian, no mós lafiar ba padre no pendeta sira ne’ebé mak hanorin konaba Biblia. Razaun tanba sira uza rasik sira nia rasio hodi deskobre ba realidade/ real.

Ma’ibé  iha “ dunia barat Kristiani” katak ema ne’ebé mak tuir kristiazmu. Sira fiar katak Biblia mak fatór determinante ba siénsia no buat hotu. Di dunia barat Kristiani mosu iha abad ke 5 Masehi to’o abad ke 18 Masehi. Iha tempu neba, la iha sekularizmu ma’ibé hala’o kristianizmu ne’ebé mak hanorin hosi padre no Pendeta iha igreja.

Peskizadór hakarak atu hatu’ur diferensia entre filozofia  etika di dunia barat Kristiani no filozofia etika di dunia  barat sekuler.

Iha filozofia  etika di Dunia barat Kristiani, filozofu ida ho naran St. Agostinho hosi Hippo ( 354-430), nia halo difinisaun ba etika mak hanesan; karakter ka kostume di’ak no aat. Saida mak di’ak no  saida mak aat? Tuir St. Agostinho katak di’ak  mak henesan buat ne’ebé mak halo ema kontente. Kontente la’os ema ne’ebé mak hetan Kargu bo’ot, la’os riku, la’os “kenikmatan sensuál” . ma’ibé  ema ne’ebé mak laran luak, karidade ba ema seluk, hadomi malu no hadomi Maromak. kargu bo’ot la’os hetan di’ak tanba kargu refere bele halo ita ladun kontente no halo ita ladun feliz iha ita nia moris. Aat mak hanesan buat ne’ebé mak halo ita tristeza. Se ita la hadomi malu, no la hadomi Maromak, la iha karidade ba malu, la respeitu ema seluk nia privasidade. Ida ne’e maka hanaran aat/ladi’ak. Tanba ita la hetan kontente no ita nia presenza la halo ema seluk feliz/happy.

 Imajen: St. Agostinho

Santo Agostinho fó analogika konaba kontenti, “ If you ask two people whether they want to join the army… one may say yes and the other no. But if you ask them whether they want to be happy, the will both say yes without any hesitation, the only reason they differ about serving in the army is that one believes, while the other does not, that will make him happy (Kenny 2005: 252).  Signifika katak, “se karik ita bolu ema nain rua atu ka’er kilat,,maka ida sei hatan katak bele, sim ma’ibé ida seluk sei dehan katak lae,/labele. Ma’ibé se karik ita bolu ema nain rua atu halo buat ne’ebé mak di’ak, maka sira sei hatan katak bele ou sim tanba sira bele hetan kontente..nst. Atu dehan katak buat ne’ebé mak di’ak maka tenki hadomi malu, respeitu ema seluk nia privasidade, obidiense no karidade ba malu. Se ita la halo tuir kriteira refere, maka ita sei hetan hahalok aat, se aat maka sei la hetan kontente iha ita nia moris.

Iha filozofia etika di dunia barat sekuler, pensamentu ida ho naran Marquis de Sade (1740-1814), dehan katak di’ak no aat konforme iha ita nia enjoy (kenikamatan), se ita senti (pleasure) katak buat ne’ebé mak ita halo di’ak entaun nia di’ak duni. Maske iha ema seluk nia matan la di’ak ka  aat ma’ibé tuir ita di’ak. Ida ne’e mak hatudu katak ita bele hetan "happy”. Ezemplu; ha’u la’o hamutuk ho kolega sira ne’ebé mak gosta atu dialogo konaba oinsa ita hemu tua ne’ebé mak di’ak. Ma’ibé ha’u gosta atu ko’alia konaba oinsa ita atu hetan futuru  ne’ebé mak di’ak. Hosi Ha’u nia pensamnetu ida ne’e, sira fó valór katak ha’u nia pensamentu la di’ak iha sira nia matan. Ma’ibé ba ha’u katak ha’u nia pensamentu ne’e di’ak. Tanba ha’u bele kontenti. Ma’ibé tuir Sira katak sira nia pensamentu  mak di’ak no bele halo sira  hetan kontenti.

Foto: Marquis de sade

Razaun ida ne’e mak Marquis de Sade hateten katak, “ ukuran baik atau buruk tergantung pada kenikamatan yang terasa di dalam diri (pleasure). Jika kita melakukan satu tindakan yang  membuat kita merasakan kenikmatan, maka tindakan itu baik. Walaupun tindakan  itu bisa saja membahayakan atau menyakitkan orang lain. A statesman would be a fool if he did not let his country pay for his pleasure. What matters to us the misery of the people if only our passions are satisfied”. Ida ne’e mak argumentu hosi Marquis de sade.

Peskizadór atu konklui katak filozofia etika atu estuda konaba di’ak no aat iha ema nia habitu no kostume. Iha  Filozofia etika di dunia barat kristiani, haree liu ba domin hosi Maromak, karidade no respeita malu. Ida ne’e mak bele hetan di’ak no “happy”. Se la iha domin hosi Maromak no la iha domin entre umanidade maka sei la hetan kontente. Ho ida ne’e mak ita hanaran aat/ buruk. Ma’ibé iha filozofia etika di dunia barat sekuler kontrariu ho Kristiani tanba haree liu ba ema nia kenikmatan/enjoy, liu hosi asaun no hahalok. Se hahalok ne’ebé mak ita halo no senti kenikmatan entaun asaun ida ne’e di’ak. Ma’ibé Se hahalok ne’ebé mak ita halo no senti la’os enjoy/kenikmatan entaun karakter ida ne’e aat.

Referensia Bibliografika:

De sade, Marquis, (2002). Philosophy in the Bedroom. Trans. Richard Seaver & Austryn Wainhouse.Supervert 32c inc.

Kenny, Anthony. (2005). A new History of Western Philosophy, Volume II : Medieval Philosophy. Clarendon press. Oxford.

Coetzee, P.H. & Roux, A.P.J (eds.). (2003). The African Philosophy Reader. Routledge. Great Britain.