INTRODUSAUN FILOZOFIA

INTRODUSAUN FILOZOFIA

Escreve: Jose soares

Estudante: FFCH

Semester: IV

 FILOZOFIA

Iha dia 21-11-2020, iha loron sabdu Estudante FFCH  I, II no III ano hala’o diskusaun semanál iha aula Faculdade Filozofia Ciencia Humana (FFCH)  nian. Diskusaun konaba Intrudusaun Filozofia. Hakerek nain rona no observa resultadu hosi diskusaun katak Filozofia mai hosi lian  Arab katak “filsafah”, no lian Yunani  “philosophia”. Filozofia mosu iha Nasaun Gregu ka Yunani iha Abad ke 7. Etimolojia hosi Filozofia fahe ba parte rua: philos katak Amor, suka atau cinta no shopein katak sabedoria ka kebijaksanaan. Philosophia  signifika katak amor pela sabedoria ( cinta kebijaksanaan, suka pada kebijaksanaan atau teman kebijaksanaan). Filozofia signifika katak  natureza atu hanoin ( alam berpikir/alam pikiran). Filosofia katak hanoin ne’ebé mak klean ho seriu no hanoin to’o iha nia  abut ka “akar”. Bahasa melayu dehan katak,“filsafat ialah berpikir secara mendalam dan sungguh-sungguh”.

Molok ita haree diferensia hosi filozofia no siénsia seluk, peskizadór hakarak esplika konaba filozofu. Filozofu signifika katak ema ne’ebé mak buka lialoos ka sabedouria. Peskizadór mós hakarak hatuur filozofu nain haat (4) ne’ebé mak premeiro kria filozofia iha mundu mak hanaran Thales (625 SM- 545 SM) ne’ebé mak dehan katak,” mundo ne’e mai hosi Bee /Dunia berasal dari Air”, Nia estudante mak naran Anaximandes (610 SM-540 SM) hateten katak,” Moris ne’e mai hosi Be’e/ kehidupan ini berasal dari air”, Segundo filozofu  mak Heraclitus (530 SM- 470 SM) dehan katak,” Mundu ne’e kria hosi Ahi/ Dunia ini tercipta dari api”, Tersiro filozofo mak Parmenides (540 SM-475 SM) hateten katak,” Mundo mai hosi baze ki’ik ne’ebé mak iha / Dunia berasal dari satuan terkecil yang ada”. Nia seidauk esplika ho klaru ma’ibé ita bele fó analojia ka ezemplu ida. Saida mak “satuan terkecil yang ada”? Ezemplu ida konaba bataku, bainhira ita hatene klean konaba bataku, iha neba mós semen. Se Iha semen maka iha buat ne’ebé mak kor mutin mós kahur ho nia. Se ita hetene klean konaba rai-henek maka iha buat ne’ebé mak ki’ik ho kor mutin kahur ho rai-henek. Ida ne’e mak objektivu hosi Parmenides.  Quarto Filozofo ho naran Demokritus (460 SM-370 SM) ne’ebé hamosu ideia ida katak,” Mundu ne’e mai hosi baze kiik ne’ebé mak labele fahe (ATOM) A :signifika katak , “la / tidak” no TOM : signifika katak, “ fahe/ terbagi”. 

Ma’ibé pergunta ida ba ita le nain sira, tanba sa mak Thales dehan katak mundu ne’e mai hosi bee? Razaun tanba  Thales hela iha tasi-ibun. Loron-loron nia haree hela deit tasi-been tanba ne’e mak nia peskiza katak,” Mundu ne’e mai hosi bee. Nune’e mós Heraclitus ne’ebé mak dehan katak mundu ne’e mai hosi ahi. Tanba nia hela iha “gunung berapi” no loron-loron observa hela deit ahi. Ho ida ne’e mak nia fó argumentu ida katak mundu ne’e forma hosi ahi. Filosofo nain haat ne’e ita bele dehan sira nu’udar filozofo natureza nian. Tanba sira peskiza mundo no hakarak atu hatene mundu ne’e loloos, sira sempre halo ligasaun ho natureza.

Objektivu filozofia atu buka verdade no hetan verdade. Ma’ibé pergunta ida ne’ebé mak ita sempre  rona konaba filozofia. Se ra que ita estuda filozofia sei hadook-an hosi relijiaun no Maromak?  Se argumentu ida hanesan ne’e ita labele dehan katak  argumentu ne’e los. Tanba filozofia mak nu’udar  “mode of thinking” ka metode atu hanoin. Ho ida ne’e konforme ita nia hanoin, oinsa mak ita uza filozofia. Ita bele uza filozofia hodi kontra relijiuan ma’ibé ita mós bele uza filozofia hodi haforsa doutrina relijiaun. Ezemplu iha Era-Escolastico mak hanesan Santo Agostinho (354-430) no Santo Tomas Aquino (1225-1274). Iha Santo Agostinho aprova lalehan no inferno ne’ebé mak uza pensamentu hosi platão konba konseitu formal no Santo Tomas Aquino impresta Aristoteles nia hanoin konaba causa Sui ka Causa prima atu aprova katak Maromak ne’e iha duni.

Imajen Estudante FFCH hala'o diskusaun semanal

Filozofia diferensia ho siénsia sira seluk. Razaun tanba siénsia  iha limitasaun no baleiza ma'ibe filozofia laiha limitasaun. Ita hare’e nia ezemplu konaba siénsia geografia ( Ilmu bumi): kuiñese deit konaba rai (daratan), tasi, mota nst. Ezemplu konaba  siénsia lingua: hatene mak lingua konaba ema nian ( tutur bahasa manusia), gramatika, forma liafuan nst. Ma’ibé filozofia tenki buka tuir realidade ne’ebé mak iha, oinsa mak  relasaun ho realidade mosu, tanba sa mak realidade iha. Filozofia mak nu’udar Inan ka nain ba siénsia sira hotu. Filozofia esplika realidade tenki ho klean. Nia uza maneira konaba hamosu  pergunta ida no respode ho pergunta ida. Ezemplu ida konaba Filozofia, “ ha’u hatene no tanba sa mak ha’u hatene. Ha’u lahatene no tanba sa mak ha’u lahatene”. Lian melayu dehan katak “saya tahu dan kenapa saya tahu, dan saya tidak tahu dan kenapa saya tidak tahu”. Razaun ida ne’e mak ema dehan katak se ita estuda filozofia mak ita sai bulak. Bulak la’os iha fizikamente ma’ibé bulak iha kuiñesimentu ka matenek.

Peskizadór hakarak atu fó difinisaun konaba intrudusaun filozofia iha etapa tolu:

1.Filozofia Mak Hanesan Dalan Ida Ba Verdade.

Filozofia mak nu’udar dalan ida ba verdade . se ita hakarak atu hetan verdade maka ita tenki liu hosi dalan dialogo tanba ema ne’ebé mak interese atu estuda filozofia no hakarak atu hetan kuiñesimentu konaba filozofia. Nia dalan mak tenki halo dialogo ba objetu ida. Hosi dialogo ida ne’e mak ita bele hetan verdade.

Tuir Platão hateten katak,” filsafat adalah  ilmu pengetahuan yang berminat mencapai kebenaran yang adil”. Ida ne’e signifika katak filozofia mak nu’udar intelijensia ne’ebé mak bele hetan lialoos no justisa. Tanba ne’e mak peskizadór hakarak hateten katak sai estudante filozofia ida “ cobalah  tidak untuk menjadi seseorang yang sukses tetapi menjadi seseorang yang bernilai di mata manusia”.

2. Filozofia Mak Nu’udar Forma Da Vida.

Filozofia hakarak atu hanorin ema atu sai ema ne’ebé mak kritiku, inovativu no reflektivu iha vida realidade nian. Tanba ne’e mak filozofia mak hanesan dalan ida ne’ebé mak importante atu forma ema nia moris. Tanba filozofia hanorin ema mai hosi maneira oi-oin. Tuir filozofo Aristoteles dehan katak,” filsafat adalah ilmu pengetahuan yang terkadung di dalamnya seperti ilmu metafisika, logika, retorika, etika, ekonomia, politika dan estetika. Ida ne’e hatudu katak filosofia hanorin ema mai hosi maneira metafisika, logika, etika, ekonomia, politika  nst. Hosi maneira refere mak sei forma ema nia mentalidade  sai maduru hodi foti desizaun buat ruma iha nia vida. 

3. Filozofia Saber As Coisas 

Filozofia mak sai inan ba siénsia sira seluk tanba ne’e mak filozofia saber as coisas. Ma’ibé sai ema filozofia ida ne’ebé mak matenek.Nia nunka mais gaba-an, halo-an no egoizmu. Ida ne’e mak  ema hanaran filozofo. Hanesan Pythagoras (582-507) bainhira ema husu pergunta ida ba nia. Se ra que ita bo’ot mak  nu’udar ema ida ne’ebé mak sabedouria no sientista (Sophos), nia responde katak, “ ha’u la’os ema ne’ebé mak sabedouria ma’ibé ha’u ema ne’ebé mak hadomi sabedouria no hadomi matenek (philosophos). (Kenny 2004:9). Hahalok Pythagoras hatudu katak nia haraik-an  maske ema hotu konsidera katak nia nu’udar sientista ida. Nune’e mós filozofu ida ho naran Socrates dehan katak, “ So sei que nada sei”  signifika “ha’u hatene katak ha’u lahatene buat ida”. Hahalok hirak ne’e hatudu ba ita katak ita labele halo limitasaun ka baleiza ba ita nia kakutak ma’ibé ita tenki fo liberdade ba ita nia kakutak hodi buka kuiñesimentu.

Peskizadór halo konkluzaun konaba intrudusaun filosofia katak se ita hakarak hadomi filozofia maka ita tenki  le , rona, hakerek no halo dialogo barak. Hodi nune’e ita bele hetan “amor pela sabedouria ka verdade” no ita la  bele hetan “virus Rasizmu” signifika katak kaer metin ba konseitu ida deit ka fanatic ba sientista  ida. Ita estuda filosofia tenki kuidadu-an ba “virus Rasizmu” tanba virus ida ne’e pergouzu tebes”. Tanba bainhira ita le livru oituan maka ita sei hetan “Virus Rasizmu”. Se ita hetan ona virus ida ne’e maka ita nia kuiñesimentu sei lahalo mudansa tanba ita foin kuiñese konseitu ida, ita senti ita nia-an katak ita matenek ona no ita lakohi aprende konseitu seluk ma’ibé ita lahatene katak konseitu barak maka ita seidauk kuiñese. Atu hado'ok hosi virus Rasizmu maka ita tenki le livru barak. Hodi nune’e ita  nia kuiñesimentu bele luan. Kuiñesimentu sei la mai, se  ita rasik lakohi buka.

Referensia Bibliografia:

Https://cartarts.wordpress.com/2012/04/24/ pengantar filsafat.

Nugroho. Wahyu Budi, S.Sos..M.A (n.d). pengantar filsafat. Sosiolog Universitas Udayana: Pegiat Sanglah Institute.

Hidayat. Ferry (2016). Pengantar Teori-Teori Filsafat. STBA Pertiwi:Bekasi.