TOTALITARIZMU

 

TOTALITARIZMU 

  By Jose Soares

Iha oras tolu nia laran, ha’u hamutuk ho kolega sira. Ami diskusaun konaba Termu TOTALITARIZMU. Saida mak Totalitarizmu? Totalitarizmu mosu iha sekulu hira? Autor sé mak ko’alia  eh defende konaba Totalitarizmu? Sistema Totalitarizmu aplikasaun iha nasaun ida ne’ebe? Ezistenia sistema Totalitarizmu fó benifísiu ba sé? Oinsa mak prosesu Totalitarizmu iha sosiedade? Tanba sa mak presiza Totalitarizmu? Oinsa mak ita bele analiza no deskobre Totalitarizmu nia prátika iha kontextu Timor-Leste?

                                                          Foto Diskusaun :Estudante Filozofia

Totalitarizmu nia etimologia katak “ Totál” (povu hotu tenki nonok atu hakru'uk ba sistema Estadu maske pratika sala). Totalitarizmu mak nu’udar sistema governu ba tolitariu ka forma polítika. Iha liafuan totalitarizmu fahe ba parte rua:- Totalitariu no Izmu. Totalitarizmu mosu iha sekulu xx  no tinan 1920. Totalitarizmu mak hanesan konseitu  atu forma estadu ida ne’ebé mak úniku partidu politiku bele forma governu ho poder absolutu, liu hosi dalan legal mak elisaun. Totalitarizmu mós hanesan ideologia direita nu’udar maneira de movimentu atu kria liberdade ka liberta, “mediante” atu konsentra hamutuk iha estadu ida, iha poder ma’ibé  maneira ida ne’ebé mak ladun di’ak, (taka povu nia matan no ibun labele ko'alia eh kritika ba realidade) “ etica de poder” hodi respeita ka valoriza povu nia votus.

Totalitarizmu eziste abuza podér hodi viola direitu umanu, Totalitarizmu hanesan rejime ( ideologia polítika) hanesan hanoin ida ne’ebé laiha transparansia, ma’ibé uza poder ne’ebé hetan konfiansa, liu hosi partidu politiku, automatikamente halo tuir estratejia partidu politiku.

Iha discionário liafuan Totalitariu signifika katak; “primeiro que não admite divisões nem fracionamento, Segundo diz-se de um sistema politico em que todos as atividades sociais são dominadas pelo estado, sem qualquer forma legal de opisição, terceiro diz-se o estado organizado Segundo esse sistema politico”.  Izmu signifika katak; doutrina. Ho liafuan seluk katak regra no sistema ne’ebé maka orienta sosiedade hodi lao tuir. Atu dehan  katak totalitarizmu mak hanesan estadu ida ne’ebé maka domina iha ekonomia no iha politika. No mós hapara grupu ka ema indivídu ne’ebé maka halo opozisaun hodi kontra estadu. Signifika katak sosiedade la iha direitu atu forma opozisaun hodi kontra estadu. Ma’ibé ema hotu-hotu tenki hakru’uk ba estadu maske estadu halo asaun ne’ebé maka indezkontente. Totalitarizmu mós hanesan otoritarizmu (ditadura/junta militar). Definisaun husi totalitarizmu mak hanesan; Facizmu no Nacizmu.Totalitarizmu mosu iha sekulu XX, iha Europa no liu-liu iha Italianu. 

Iha Wikipedia esplika katak Totalitarizmu mak hanesan pensamentu politika ida ne’ebé mak haree katak ezistensia umanu ida la iha importante, ma’ibé kada umanu tenki halo kontribuisaun ba “kepentingan bersama”. Totalitarizmu mosu no halo dezenvolve iha tinan 1920, iha sidade Weimar. Iha “federal Jerman” partidu Nazi tempu Carl Scmitt (1888-1985). Aumenta ema bo’ot Facizmu Italianu nian ho naran Benito Mussolini (1922-1943).

Autor sira ne’ebé defende totalitarizmu  no halo dezenvolvimentu mak hanesan: “ Joseph Stalin, ex-secretário-geral do partido comunista da União Soviética; Adolf Hitler, ex-Fuhrer da Alemanha Nacional-Socialista; Mao Zedong, ex-presidente do partido comunista da China; Benito musolini, ex-Duce da Itália; e Kim Il-sung, o eterno presidente da Corea do Norte.

Molok ita hatene Autor sira ne’ebé mak ko’alia konaba Totalitarizmu. Dahuluk peskizadór halo difinisaun konaba Totalitarizmu.

Totalitarizmu nia difinisaun ba oin haat (4):

1. Totalitarizmu komuniz; signifika katak  sidadaun ne’ebé mak hetan sosializmu tuir ditadura totalitaríu nian.

2. Totalitarizmu Teokratiz; katak forsa politika iha monopóliu hosi partidu, oraganizasaun ka individu ne’ebé mak haruka tuir ho relijian nia prinsipiu sira.

3. Totalitarizmu Suku (bangsa); katak partidu politiku ne’ebé mak reprezentante importansia  suku no halo forsa monopóliu.

4. Totalitarizmu Direita; katak podér ekonomia mak  atu uza ba necessidade ma’ibé podér politíka individu la halo laran-metin/ converse katak ida ne’e mak bele ba komunizmu. 

Pensamentu ida ho naran Robert Conquest ( 15-07-1917 ate 03-08-2015) hosi Britânico  dehan katak, “ Um estado totalitario como aquele que não reconhece limites ásua autoridade, qualquer que seja a esfera da vida pública ou privada, e que impõe essa autoridade por todos os meus ao seu dispor”. Tuir Robert nia hanoin konaba Estadu totalitariu katak sei la konsidera ninia sosiedade nia limitasaun ma’ibé sira sei konsidera ninia sosiedade bainhira sosiedade kompri no hakru’uk ba estadu no sistema  politíka totalitariu nian. Autoridade sei la iha podér no la iha kbi’it atu forma oposizaun hodi kontra elite politíka no sistema governu. Se autoridade kontra estadu maka militár sei  foti desizaun rigorozu. Razaun katak militár nu’udar instrumentu ida ka vaguarda ida ba estadu.  Tanba militár mak defende ba sistema estadu no forma politíka.

Filozofu Benito Mussolini (31-10-1922 ate 25-07-1943) hosi Italianu dehan katak, “ Tudo no estado, nada fora do estado, nada contra o estado’.Signifika katak ;buat hotu ba estadu, la liu estadu, laiha kontra estadu. Totalitarizmu nu’udar konseitu ida ba Estadu , Sistema estadu mak domina ba kultura, jere ekonomia no forma politíka. Estadu mak bo’ot liu ba buat hotu iha país ida. Tanba ne’e mak la iha grupu ida atu forma oposizaun atu kontra estadu. Se grupu ka ema individu ida kontra estadu mak sei hetan torturasaun hosi militar. Iha tempu ne’eba, proletariadu sira la iha direitu atu hato’o sira nia prekupasaun ba estadu tanba estadu forma sistema Totalitarizmu no proletariadu tenki hakru’uk ba sistema estadu ka politíka ne’ebé mak eziste iha sira nia nasaun. 

Autor do Giovanni Gentile (29-05-1875 ate 15-04-1944) hosi Italianu hateten katak, “ Totalitário para  se referir à estrutura e metas do novo estado. O novo estado deveria dispor sobre a representação total da nação e a orientação total das metas  nacionais”.Signifika katak “Totalitariu  refere ba estrutura no meta estadu foun. Estadu foun sei obrigatoriu ema idak-idak tau nia fatin sobre reprezentasaun total iha nasaun no orientasaun total meta nasionais nian”. Tuir filozofu Giovanni Totalitariu mak nu’udar ideologia direita ne’ebé mak kontrola sosiedade no lori ema ba meta nasional. Totalitariu mak bele forma estadu foun no obriga ema hotu hodi halo tuir ideologia direita. Razaun ida ne’e mak sira hakarak mantein ideologia direita tanba ema hotu hakru’uk ba sistema politíka no estadu. Bele dehan katak Elite politíka sira aumenta bokur (riku) nafatin no proletariadu sira krekas (kiak) nafatin. Tanba proletariadu la iha direitu atu kritika elit politíka, razaun sistema politíka nafatin hanesan proletariadu.

Totalitariu hanesan ideologia ida ne’ebé mak fó limitasaun ba demokrasia, ma’ibé fó perioridade ba sistema ditadura ka militár. Militar obidiense ba sistema politíka no sosiedade tenki obdiense ba militár no hakru’uk ba sistema politíka  ka forma estadu. Sistema ditadura ka totalitariu mak bele kontrola no orienta komunidade  hodi bele atinje meta estadu foun no meta nasional. 

Ita halo analiza no krítika konaba teoria no pratika Totalitarizmu nian iha nasaun ida. Sera que ideologia ida ne’e lori proletaridu sira ba moris di’ak? Sera que estadu Totalitariu bele liberta povu ki’ik sira? Bainhira ita lé teoria Totalitarizmu no peskiza konaba ninia ideologia ne’ebé mak pratika  iha nasaun italiano, iha tempu Benito Musolini nian nst. Iha tempu neba, sidadaun barak mak sai vitima ba sistema Totalitariu, sira hetan torturasaun mak hanesan; baku, kastigu, oho, tenki hakru’uk ba sistema refere. Sidadaun nia direitu limitasaun tebes, sira nia direitu iha bainhira halo  votasaun. Depois votasaun sira nia direitu hahu limite, sira sei la iha direitu atu forma oposizaun atu kontra estadu ka sistema politíka. Se sidadaun ida ka grupu balun hatudu nia brani atu hakarak forma oposizaun hodi kontra estadu maka sira nia direitu no destiñu sei hakotu hosi aparelu estadu nian mak hanesan “Militar”.

Ida ne’e hatudu katak sistema Totalitaríu la’os atu lori proletariadu ba moris prospriu ma’ibé lori proletariadu sira, oinsa mak bele hakru’uk ba sistema politka no estadu.

Sistema Totalitaríu nu’udar ideologia direita ida ne’ebé mak perigu tanba iha sistema nia laran pratika ho ditadura.

Se Totalitarizmu nafatin eziste iha nasaun ida maka nafatin fó kapitál ba elite polítika, proletariadu nafatin sai instrumentu ba sistema politíka. Ida ne’e hatudu katak Totalitarizmu nia ideologia la bele ajuda povu ki’ik sira no difisíl atu lori povu ai-leba sira ba moris prospriu. Tanba sistema ida ne’e nu’udar sistema ditadura. 

Bainhira ita lé no peskiza konaba  Totalitarizmu. Ita hafoin halo analiza ba ita nia Rai-Doben Timor-leste katak iha ita nia Nasaun, ita mós Pratika hotu sistema Totalitariu. 

Ezemplu dahuluk; konaba Estadu Emerjensia (EE). Durante EE ita hotu nota ka observasaun ona katak ita nia Elite politíka  mós aplika sistema Totalitariu. Tanba Liu hosi Aparelu Estadu mak hanesan; Policia Nacional Timor-leste (PNTL) no Forsa Defeza Nacional Timor-leste (FDTL). Razaun tanba bainhira povu ki’ik mak kontra Estadu Emerjensia ou kontra instrumentu  hosi Protokol Saude nian  konaba “Distansia sosiál” mak sempre baku no basa hosi Aparelu Estadu. Ma’ibé kuandu Elite Politíka balun kontra EE no Protokol Saude, Aparelu Estadu nunka book-an. 

Daruak; konaba  Aliansa Universidade Timor-Leste (AUTL) ne’ebé mak halo Demostrasaun hodi defende lia-loos atu kontra Sistema polítika ne’ebé mak halo diskriminasaun entre Estudante Rai-laran no Rai-liur. Ma’ibé Aparelu Estadu sempre baku no kaptura Estudante hodi lori ba Preizaun. Ma’ibé Deputadu no Deputada sira ne’ebé mak baku-malu no harahun meza povu nian iha Parlamentu Nasionál. Aparelu Estadu la halo kaptura ba Argidu refere.

Atu dehan katak ita nia Nasaun Timor-Leste mós pratika sistema Totalitariu maske aplika sistema Demokrasia. 

Ita lé teoria no halo peskiza konaba Sistema Totalitariu ne’ebé mak pratika ka aplika iha sosiedade. Ita komprende katak sistema refere laiha balansu entre povu no elite politika. Ho ida ne’e mak ita konklui katak Totalitarizmu la fó benifisiu ba povu ki’ik sira ma’ibé fó benifisiu no fó valór bo’ot ba Elite Politika.

I. REFERENSIA

1. AREND, Hannah. “O Totalitarismo”,In: Origens do Totalitarismo. São Paulo: Companhia das Letras, 1989,p.339-531.

2. G. Gentile & B. Mussolini in “ La dottrina del fascism” 1932.

3. ^ Caute, David (2010). Politics and the Novel during the Cold War. Transaction Publishers. hlm. 95–99. ISBN 9781412831369.

4. ^ Reisch, George A. (2005). How the Cold War Transformed Philosophy of Science: To the Icy Slopes of Logic. Cambridge University Press. pp. 153–154. ISBN 9780521546898.

5. ^ a b c Cinpoes, Rady. Nationalism and Identity in Romania: A History of Extreme Politics from the Birth of the State to EU Accession. p. 70.

6. ^ Pipes, Richard (1995). Russia Under the Bolshevik Regime . New York: Vintage Books, Random House. hlm. 243. ISBN 0394502426.

7. Rejai, Mostafa (1994). Political Ideologies: A Comparative Approach. Armonk: M.E. Sharpe. p. 74. ISBN 9780765633781.

8. ^ Schäfer, Michael (2004). Totalitarianism and Political Religions. Oxford: Psychology Press. p. 78. ISBN 9780714685298.

9. ^ a b Conquest, Robert (1999). Reflections on a Ravaged Century. hlm. 74. ISBN 0-393-04818-7.

10. ^ Schmitt, Carl (1927). The Concept of the Political (German: Der Begriff des Politischen) (edisi ke-1996 University of Chicago Press). Rutgers University Press. hlm. 22. ISBN 0-226-73886-8.